Xavi në prag shkarkimi, spanjolli shumë larg objektivave

Humbja në El Clasico ndaj Realit të Madridit dhe dështimi në Champions League kanë bërë të lëkunden pozitat e trajnerit Xavi.

Spanjolli që drejton Barcelonën e ka pohuar se një eliminim nga kompeticioni më i lakmuar për klube në Evropë, do të çonte në shkarkimin e padiskutueshëm të tij.

Katalanasit shpenzuan më tepër se 150 milionë euro në merkaton e verës, duke afruar emra si Lewandowski, Kounde, Rafinja, Kristensen dhe Kesi, por duket se ata nuk po i sjellin trofe ekipit.

Aktualisht i gjithë presioni bie mbi 42-vjeçarin, i cili ndien se ndodhet përpara gijotinës nëse skuadra nuk bën kthesë menjëherë.

“Pavarësisht gjendjes ku ndodhemi, ne duhet të luftojmë për trofe. Nëse nuk fitojmë, siç tha dhe presidenti, do të ketë pasoja duke filluar nga unë. Nëse nuk ia dalim do të vijë një trajner tjetër, por unë do të jap gjithçka që kjo të funksionojë”, tha Xavi.

Barcelona aktualisht ndodhet në vendin e dytë në kampionat, pas disfatës 3-1 në ‘Bernabeu’. Ndërkohë, më alarmante paraqitet situata në Champions League, aty ku ndodhen në vendin e tretë dhe thuajse të eliminuar.

LEXONI GJITHASHTU:

• Karim Benzema fiton Topin e Artë
• Atletiko Madrid transferon Grizman, Barcelona përfiton 20 milionë euro