Rama kundër mediave: S’ka as protesta masive pedagogësh, as Vetting

Kryeministri Edi Rama, përmes një postimi në Twitter, reagoi kundër mediave që sipas tij po paraqesin si masive një protestë të një pakice pedagogësh.

Sipas tij, kjo protestë udhëhiqet nga nongratat dhe shiksat. Ndërkaq Vettingu që thuhet se do bëhet për pedagogët as do bëhet, as është thënë e menduar, thotë Rama.

Sa për rritjen e mëtejshme të pagave e përsëris, nuk do të ndodhë deri kur të vijë radha e natyrshme, pas pensionistëve në fundvit dhe pas daljes dimri, kur do të bëjmë bilancet e kostove të mburojës së energjisë elektrike, edhe për familjet e pedagogëve që mbrohen nga qeveria!

— Edi Rama (@ediramaal) October 20, 2022

Kryeministri Edi Rama nga Gjirokastra është shprehur se nuk do të ketë asnjë pakt me pedagogët, të cilët prej ditësh kanë dalë në protestë.

Në fjalën e tij, Rama tha se nuk do të ketë asnjë pakt me pedagogët, duke shtuar se këto të fundit kanë mundësi që të punojnë dhe në universitetet private. Më tej, kreu i qeverisë theksoi se do të ketë Vetting për pedagogët që punojnë në universitete private dhe nuk deklarojnë pagën.

“Sa për rritjen e mëtejshme të pagave e përsëris, nuk do të ndodhë deri kur të vijë radha e natyrshme, pas pensionistëve në fundvit dhe pas daljes së dimrti, kur do të bëjmë bilancet e kostove të mburojës së energjisë elektrike, edhe për familjet e pedagogëve që mbrohen nga qeveria!” shkroi Rama.

LEXONI GJITHASHTU:

• Rama reagon ndaj pedagogut: I maskuar si sindikalist, sjell zullumet e ‘non gratave’
• ‘I pamundur kërkimi shkencor me këto paga’, pedagogu: 1500 euro për një konferencë