Tensionet në Bjellorusi e Mesdheun Lindor, BE paralajmëron ndërmarrjen e sanksioneve

Dialog, zgjidhje diplomatike dhe demokratike ishin kjo thirrja e ministrave të Jashtëm të BE të mbledhur në një takim jo formal në Berlin ku dy çështjet kryesore të diskutimit ishin kriza në Bjellorusi dhe tensionet mes Greqisë dhe Turqisë në Mesdheun Lindor.

Në një dalje të përbashkët për mediat zv.presidenti i Komisionit Evropian, Joseph Borrell dhe ministri i Jashtëm gjerman, Heiko Maas bënë thirrje që autoritetet në Bjellorusi të gjejnë gjuhën e dialogut për ti dhënë fund krizës që ka përfshirë vendin. Borrell bëri me dije se shumë shpejt do të publikohet një listë me emrat e disa figurave të larta politike ndaj të cilave do të ndërmerren sanksione. Sipas be persona kanë manipuluar zgjedhjet dhe kanë ushtruar dhunë ndaj protestuesve.

“BE nuk njeh zgjedhjet presidenciale në Bjellorusi. Ne edhe njëherë shprehëm mbështetje për qytetarët dhe dënojmë dhunën ushtruar ndaj protestuesve. I bëjmë thirrje autoriteteve të gjejnë gjuhën e dialogut për ti dhënë fund krizës. Dialogu duhet të pranohet nga autoritetet. Ishim në një vendim se ndaj disa anëtarëve të klasës politike do të ndërmerren sanksione”, tha Borrell.

Çështja e dytë e cila ka ngjallur shqetësime është raporti i tensionuar mes Greqisë dhe Turqisë. Josehp Borrel theksoi se BE dëshiron të japë një mundësi serioze për dialog, por me kushtin që Turqia të përmbahet nga veprimet e njëanshme.

 “Diskutuam edhe për situatën në Mesdheun Lindor.  Shprehim solidaritete me Greqinë. Duam ti japim një shans të madh dialogut. Do të përpiqem të veNdos një raport të mirë në marrëdhëniet e tensionuara me Turqinë.  Në të kundërt do të merren masa në takimin e radhës në samitin e 24 shtatori”, shtoi zv. presidenti i Komisionit Evropian.

Pyetur se çfarë nënkuptonin këto masa Borrell sqaroi se ishin paraqitur disa propozime për të vendosur sanksionet ndaj Ankarasë. Më herët edhe kancelarja Merkel u shpreh se BE duhet të mbështesë Greqinë në raportet e tensionuar në Mesdheun Lindor por duhet të vijojë edhe dialogu me Turqinë.