Katër viktima dhe 133 raste të reja me COVID-19 në Shqipëri

Katër viktima dhe 133 raste të reja me COVID-19 janë shënuar në 24 orët e fundit në Shqipëri. Kanë humbur jetën një 56-vjeçar nga Tirana, një 70-vjeçare nga Elbasani, një 77-vjeçar nga Durrësi dhe një 87-vjeçar nga Fieri.

Deri tani, vendi ynë numëron 284 viktima të shkaktuara nga COVID-19 që prej fillimit të pandemisë. Aktualisht në spitalin Infektiv dhe “Shefqet Ndroqi” po trajtohen 180 pacientë të konfirmuar pozitivë me COVID-19, 17 në terapi intensive nga të cilët vetëm 6 pacientë janë të intubuar.

Sipas Ministrisë së Shëndetësisë situata epidemiologjike në vend në javën e fundit paraqitet e qëndrueshme dhe niveli i përhapjes së infektimi është i njëjtë me një javë më parë. Mesatarja javore e rasteve të reja për javën 35 është 153 raste/javë.

133 rastet e fundit janë zbuluar nga kryerja e 820 testeve. Shpërndarja gjeografike e rasteve pozitive ditore është: 68 raste në Tiranë, 10 në Elbasan, 9 në Durrës, 7 në Lezhë, 6 në Berat, nga 5 raste në Krujë, Fier, 4 në Korçë, nga 3 raste në Kukës, Gjirokastër, nga 2 raste në Kurbin, Kavajë, Vlorë, Tropojë, Kuçovë, nga 1 rast në Shkodër, Devoll, Pogradec.

Ndërkohë gjatë 24 orëve të fundit, 75 qytetarë që ishin pozitivë me coronavirus janë shëruar. Një ditë më parë, pati pesë viktima dhe 101 raste të reja me COVID-19.

COVID-19 – Statistika (31 Gusht 2020)

Testime totale               62837
Raste pozitive                9513
Raste të shëruara          5214
Raste Aktive                   4015
Humbje jete                     284

(Qarku Tiranë 133, Durrës 40, Shkodër 36, Elbasan 16, Fier 14, Korçë 12, Lezhë 10, Kukës 6, Vlorë 6, Dibër 5, Gjirokastër 4, Berat 2)

Shpërndarja gjeografike e rasteve aktive sipas qarqeve:
Tiranë         2092
Durrës          530
Shkodër       284
Lezhë          199
Korçë          178
Elbasan      159
Fier             144
Kukës         131
Vlorë           126
Berat            83
Dibër            52
Gjirokastër   37

Lexoni gjithashtu:

Testet e COVID-19 në Shqipëri, qytetarët ankohen se kushtojnë shtrenjtë

Bino për Euronews Albania: Shqipëria po përpiqet ta sigurojë falas vaksinën anti-Covid

Epidemiologu Alimehmeti: Efektiviteti i vaksinës anti-COVID nuk do jetë më shumë se 50%