Kriza në Bjellorusi: Presidenti Lukashenko kërkon referendum për ndryshimet kushtetuese

Pas 1 muaj protestash masive në rrugët e Minsk, presidenti i Bjellorusisë Lukashenko hedh idenë e një referendumi kushtetues që sipas tij do të qetësojë situatën në vend.

Në një dalje në televizionin publik, 66-vjecari është shprehur se disa specialistë, përfshirë ata të gjykatës të lartë, po punojnë për rishikimin e ligjit të referendumeve. Lukashenko tha se ekspertët po diskutojnë ndryshimet, duke përfshirë gjykata më të pavarura edhe pse ai vetë mendon se  kjo nuk është e nevojshme sepse “gjykata më e pavarur është në Bjellorusi”. Ai këmbënguli se “ata që bërtasin për ndryshime” janë një pakicë.

Qoftë BE por edhe SHBA nuk i ka njohur zgjedhjet e zhvilluara në Bjellorusi duke bërë thirrje të vazhdueshme që Lukashenko të gjejë gjuhën e dialogut me opozitën dhe t’i jepet fund dhunës ndaj protestuese.

Liderët e BE-së janë duke përgatitur edhe një liste me emrat e 20 zyrtarëve bjellorus ndaj të cilëve do të vendosen sanksione për manipulim të zgjedhjeve dhe dhunë ndaj protestuesve.

Një ditë më parë, vendet Baltike ndaluan udhëtimet për 30 zyrtarëve të lartë Bjellorusë, duke përfshirë edhe vetë presidentin Lukashenko.

Lexoni gjithashtu:

Protestat në Bjellorusi, mbi 100 të arrestuar. Lukashenko vijon me dorë të hekurt

“Shqipëria ofron një platformë për të lehtësuar dialogun”, këshilltarja e kryeministrit Rama flet për krizën në Bjellorusi 

Vazhdojnë arrestimet në Bjellorusi, Putin do të takojë Lukashenkon

Kremlini konfirmon se Putin dhe Lukashenko do të takohen në javët në vijim