Von Cramon: Propozimi franko-gjerman për dialogun, kompromis i pranueshëm për palët

Raportuesja për Kosovën në Parlamentin Evropian, Viola von Cramon, thotë se propozimi franko-gjerman për dialogun Kosovë-Serbi është një kompromis i pranueshëm për dy palët.

Von Cramon, thotë për KosovaPress, se në kuadër të kësaj ujdie duhet të përfshihet edhe themelimi i Asociacionit të komunave me shumicë serbe. Sipas saj, me atë çka ka lexuar, zgjidhja është shumë afër me çka Kosova do dëshironte të shihte. Ndërkohë, Von Cramon, thekson se Kosova meriton liberalizimin e vizave.

“Kjo varet nga të dyja qeveritë, mendoj se ka të paktën një kompromis të mirë, me sa di ai është i pranueshëm, është një kompromis shumë i largët dhe uroj që të dyja qeveritë që janë në krye të bien dakord dhe ta pranojnë këtë”, thotë Von Cramon.

Ajo këshillon dy palët në dialog që të pranojnë propozimin franko-gjerman.

LEXONI GJITHASHTU:

• Aktivistja Biserko: Niveli i dialogut Kosovë-Serbi, i ulët
• Dialogu Kosovë-Serbi, Ardian Gjini: Nuk ka interes për dështim