Salianji-Manjës: Hallexhinjtë në burgje, bosët në Dubai

Këtë të hënë, në Komisionin e Sigurisë kombëtare pati një debat mes deputetit të Partisë Demokratike Ervin Salianji dhe Ministrit të drejtësisë Ulsi Manja.

Salianji tha se burgjet në vendin tonë janë mbipopulluar nga hallexhinjtë, por bosët e krimit sipas tij fshihen në dubai për shkak se mungon një marrëveshje ekstradimi me emiratet e bashkuara.

“Në Shqipëri, burgjet popullohen nga hallexhinjtë, nga ata që ndërtojnë apo suvatojnë pa leje, ata që bëjnë avlli shtëpie apo dritare. Krerët e krimit janë në arrati, në Dubai. Për këta, nuk është padiskutim përgjegjësia, por për aq sa ju takon të paktën për marrëveshje pëe ekstradimin”, theksoi Salani.

Ndërsa, ministri u shpreh se për marrëveshje ekstradimi, duhet të ketë vullnet edhe nga pala tjetër.

“Keni një shqetësim lidhur me mbipopullimin. Unë e thashë, amnistia është një nga elementët, ta bëjmë apo mos ta bëjmë? Lidhur me marrëveshjen, mund të kërkosh marrëveshje ekstradimi, po varet e ka vullnet nga pala tjetër”, u shpreh Manja.

LEXONI GJITHASHTU

• Berisha kërkon largimin përfundimtar të Ramës
• Berisha-Erdoganit: Puna që bën për pushtetin e Ramës, kundër interesave shqiptare
• Charterat e Ramës ‘alarmojnë’ Berishën: Do ngremë komision hetimor