“Jemi bërë gati”, Balla i bindur: Më 14 maj do fitojmë 61 bashkitë

Kryetari i Grupit Parlamentar të PS-së, Taulant Balla nga Foltorja, teksa është diskutuar për Reformën Territoriale, u shpreh i bindur se në zgjedhjet lokale në maj do i fitojnë të gjitha bashkitë.

Balla për sa i përket akuzave të deputetit demokrat Enkelejd Alibeaj, se raporti i prezantuar nga PS-ja ka mangësi, tha se nuk është e vërtetë.

“Teksa kemi bërë një vlerësim si ka ecur deri tani reforma, kemi arritur në disa konkluzione që do i japin përgjigje pyetjes a ka nevojë vendi tani për një ndarje të re. Biem të gjithë dakord që disa prej atyre propozimeve nuk merren në konsideratë. Po marr propozimin që keni bërë për bashkinë Lunik. Duhet të nisemi nga disa parime dhe mendoj se parimi themelor do kishte qenë “A ka qenë më parë bashki?”

Kjo do s’kualifikonte disa propozime. Të copëtosh Vlorën në 3 pjesë nuk më duket një propozim që bën sens. Por nuk është kjo çështja. PD ka qeverisur në 17 bashki nga viti 2015-2019. PS qeveris sot në 60 bashki dhe duam t’i fitojmë sërish këto 60 bashki ndoshta dhe 61. Po, po, jemi bërë gati t’i fitojmë të 61. Do ta fitojmë dhe Shkodrën meqë dështoi ky i Foltores”- tha Balla.

Çfarë tha Alibeaj?

Me rilindjen urbane i keni shndërruar bashkitë në kopje të njëra-tjetrës. Bashki pa tradita, që po shpopullohen. Prandaj është e nevojshme që të rishihet reforma territorial. Bashki pa demokraci lokale, këtë nuk e kuptoni ju. Pushteti vendor, nëse ka një vlerë është pikërisht kjo. Pushteti që i jepet qytetarëve që të kontrollojë kryetarin e bashkisë.

LEXONI GJITHASHTU: 

• Koalicion me Berishën dhe Metën? Flet kryetari i Bindjes Demokratike
• Pas 21 nëntorit gjobë 150 euro për targat serbe, Policia e Kosovës sqaron procedurën
• I dënuar me 4 vite burg për drogë, arrestohet 52-vjeçari i shpallur në kërkim