Ushtria serbe rrëzon një dron komercial, neutralizimi u bë me pajisje elektronike
Njësitet e Forcave të Armatosura të Serbisë kanë neutralizuar një dron komercial që po lëvizte nga drejtimi i Kopaonikut në Rashkë, pas zbulimit dhe monitorimit në kohë, njoftoi Ministria e Mbrojtjes.
Siç u tha në deklaratën e ministrisë serbe, droni u rrëzua duke përdorur masat e pengesave elektronike në afërsi të objekteve ushtarake të garnizonit të Rashkës, shkruan Euronews Serbia.
“Ushtria veproi në përputhje me urdhrin e presidentit të republikës, njëherësh komandantit suprem të forcave të armatosura serbe, Aleksandar Vuçiç dhe po ndërmerr masa për të detektuar, gjurmuar dhe neutralizuar dronët në afërsi të ndërtesave ushtarake”, u tha në njoftim.
Ministria serbe theksoi se ushtria do të vazhdojë të veprojë në përputhje me urdhrin e Vuçiçit, dhe të rrëzojë të gjithë dronët që gjen në zonën e ndalim-fluturimit dhe në afërsi të ndërtesave ushtarake.
Më herët gjatë ditës së sotme, ministri i Mbrojtjes i Serbisë, Millosh Vuçeviç deklaroi se Vuçiç ka dhënë urdhrin për rritjen e gatishmërisë luftarake, pasi disa dronë kanë hyrë nga Kosova në territorin e Serbisë qendrore.
LEXONI GJITHASHTU
Kryefaqja
Haxhiu liron nga detyra prokurorët serbë të veriut
U sulmuan me thikë në Athinë, plagosen dy turistë, policia arreston të dyshuarin
Kosova mirëpret Kampionatin Ballkanik U17 për vajza në volejboll
- 13:00 Mijëra faqe interneti u mbyllën për transmetime të paligjshme të Kupës së Botës
- 12:41 Trump do të vendosë këtë javë tarifa të reja për dhjetëra vende
- 12:30 Ligjvënësit francezë votojnë sot për ndalimin e rrjeteve sociale për fëmijët
- 12:17 Presidenti Pezeshkian: Irani është e angazhuar në një luftë në shkallë të plotë
- 11:47 Dhunuan me sende të forta 5 turq, arrestohen 2 persona në Durrës. Procedohen edhe 2 të tjerë
- 11:39 Shtyhet më 9 shtator seanca paraprake për kryebashkiakun e Kolonjës