Serbia s’mund të pranojë kurrë një Ballkan të qetë, thotë Sveçla

“Rusia nuk mund të pranojë kurrë një Evropë të qetë, ndërsa Serbia nuk mund të pranojë kurrë një Ballkan të qetë”.

Kështu u shpreh ministri i Punëve të Brendshme të Kosovës, Xhelal Sveçla gjatë fjalës së tij në Ministrave të Brendshëm të Ballkanit Perëndimor, që u mbajt në Tiranë.

Sveçla ka theksuar se invazioni i pa provokuar dhe i padrejtë i Rusisë ndaj Ukrainës, ka ndryshuar në gjithë botën arkitekturën e sigurisë, si dhe ka ngritur nevojën për bashkëpunim edhe më të ngushtë mes të gjitha shteteve të Ballkanit Perëndimor.

Sipas tij, me ristrukturimin e qeverisë së Serbisë ka ndodhur vetëm ndryshim emrash, duke sjellë në funksione njerëz të periudhës së Millosheviqit dhe asesi ndryshim i bindjeve në raport me Republikën e Kosovës, por edhe vendeve tjera të rajonit.

“Rusia nuk mund të pranojë kurrë një Evropë të qetë, ndërsa Serbia nuk mund të pranojë kurrë një Ballkan të qetë. Thellimi i bashkëpunimit të Serbisë me Rusinë jo vetëm në fushën ushtarake, por edhe më gjerë e largon Serbinë nga vlerat e përbashkëta demokratike për të cilat të gjithë ne si Ministra të Ballkanit Perëndimor po angazhohemi”, theksoi ai.

LEXONI GJITHASHTU

• Borrell konfirmon se Kosova dhe Serbia kanë pranuar një plan të ri për dialogun
• Kurti: Çfarë i kërkova Borrellit për djegien e veturave në veri të Kosovës
• Situatë e tensionuar në Mal të Zi, kushtëzohen kompetencat e presidentit