Protestat në Bjellorusi: Opozitarja Kolesnikova ndalohet në kufi një ditë pas zhdukjes së saj

Mediat shtetërore raportojnë se figura e opozitës në Bjellorusi, Maria Kolesnikova është ndaluar në kufirin me Ukrainën të martën në mëngjes.

Kjo vjen një ditë pasi disa dëshmitarë thanë se e panë Kolesnikovën të merrej me forcë nga një burrë i maskuar, duke e futur atë në një minibus.

Ajo është një ndër tre gratë në Bjellorusi që bashkuan forcat për të sfiduar presidentin Alexander Lukashenko në zgjedhjet e zhvilluara në gusht.

Rizgjedhja e tij në krye të vendit solli protesta masive mes akuzave për manipulim të votave.

Autoritetet thanë se se më shumë se 600 persona u arrestuan të dielën, në fundjavën e katërt konsekutive të demonstratave anti-qeveritare.

Presidenti Lukashenko ka drejtuar Bjellorusinë që prej vitit 1994. Ai ka akuzuar perëndimin për ndërhyrje në punët e brendshme të vendit, por është mbështetur nga presidenti rus Vladimir Putin dhe pritet të vizitojë Moskën së shpejti.

Lexoni gjithashtu:

Zhdukja e Kolesnikova në Bjellorusi: Gjermania dhe Britania të shqetësuara, kërkojnë përgjigje nga Minsku

Bjellorusi, demonstrata masive për dorëheqjen e Alexander Lukashenkos

Gati për dialog, udhëheqësja e opozitës bjelloruse e gatshme për bisedime