Buxheti, plus 80 mln eurot nga BE/ Votohen në parim tre ligjet e paketës fiskale

Komisioni i Ekonomisë miratoi në parim ndryshimet në tre ligjet e paketës fiskale dhe projektbuxhetin e vitit të ardhshëm.

Votimi i hap rrugë diskutimeve nen për nen, ku mes ndryshimeve në projektbuxhet do të reflektohet edhe granti prej 80 milionë eurosh i Bashkimit Europian për energjinë.

SINKRON DELINA IBRAHIMAJ – “BE do të alokojë një grant prej 80 milion euro për mbështetjen për energjinë elektrike, kur të bëjmë rishikimin nen për nen do të duhet që të pasqyrojmë edhe këtë element”.

Deputetja e PD-së, Jorida Tabaku tha se fondet e dhëna nga BE janë në kuadër të instrumentit të para anëtarësimit, IPA III.

Veç pasqyrimit të grantit prej 80 milion eurosh të BE gjatë diskutimeve nen për nen do të përfshihen edhe kërkesat e grupeve të interesit, sidomos për parashikimet për taksimin progresiv të të vetë punësuarve dhe për ashpërsimin e gjobave.

Dhoma Amerikane e Tregtisë ka cilësuar si antikushtetuese parashikimet për ashpërsim të gjobave për një kategori biznesesh për mos deklarim të pagave, apo mos lëshim faturash.

LEXONI GJITHASHTU: 

• Zgjedhjet në SHBA, demokratët rënie në sondazhe, ngrihen republikanët 
• Sejko te ‘Ekonomia’: Prioritet masat për garantimin e stabilitetit të çmimeve