Sejko te ‘Ekonomia’: Prioritet masat për garantimin e stabilitetit të çmimeve

Guvernatori i Bankës së Shqipërisë, Gent Sejko u shpreh në Komisionin e Ekonomisë se prioritet është marrja e masave për rritjen e çmimeve.

Për projektbuxhetin e vitit 2023, prioritet theksoi guvernatori i Bankës së Shqipërisë duhet të jetë marrja e masave për garantimin e stabilitetit të çmimeve, rritja e të cilave ka ardhur si pasojë sulmit ushtarak të Rusisë nga Ukrainës.

‘Banka e Shqipërisë gjykon se zgjerimi dhe forcimi i presioneve inflacioniste përbën rrezikun kryesor për rritjen e qëndrueshme dhe afatgjatë të vendit. Një nivel i lartë dhe i qëndrueshëm inflacioni dëmton stabilitetin ekonomik dhe financiar të vendit, i cili ka qenë dhe mbetet një parakusht i domosdoshëm për zhvillimin ekonomik dhe shoqëror. Paralelisht me të, një nivel i lartë dhe i qëndrueshëm inflacioni redukton investimet afatgjata, godet disproporcionalisht shtresat me të ardhura të pakta të shoqërisë, rrit pasigurinë e bizneseve dhe familjeve, si dhe dëmton kohezionin social.

Për këtë arsye, prioriteti aktual i politikave ekonomike duhet të jetë marrja e masave për garantimin e stabilitetit të çmimeve, në një kohë sa më të shpejtë dhe me një kosto sa më të arsyeshme. Po për këtë arsye, Banka e Shqipërisë ka filluar normalizimin e qëndrimit të politikës monetare, duke rritur gradualisht normën bazë të interesit dhe duke sinjalizuar vullnetin tonë për vazhdimin e këtij procesi, deri në momentin kur kushtet monetare e financiare do të jenë të përshtatshme për respektimin e objektivit tonë të inflacionit.’- tha Sejko.

LEXONI GJITHASHTU: 

• BSH rrit normën e interesit, Sejko: Inflacioni, kërcënimi kryesor për ekonominë
• A u hakerua sistemi bankar? Flet ekspertja e ekonomisë