Kryeministri suedez: Do të përmbushim detyrimet tona ndaj Turqisë 

Suedia do të përmbushë detyrimet e saj të sigurisë ndaj Turqisë për t’u anëtarësuar në NATO, tha kryeministri suedez Ulf Kristerson pas një takimi me presidentin turk Rexhep Tajip Erdogan për të diskutuar pengesat në rrugën e Stokholmit drejt anëtarësimit në NATO.

“Dua të siguroj të gjithë qytetarët e Turqisë se Suedia do të përmbushë të gjitha angazhimet që ka marrë për të luftuar kërcënimin e terrorizmit,” tha Christerson, sipas Reuters.

Presidenti turk konfirmoi se Ankaraja përsëriti dëshirën e saj për të parë Suedinë të ndërmarrë hapa konkretë dhe të përmbushë detyrimet e saj sipas marrëveshjes së anëtarësimit në NATO.

Pas një takimi me kryeministrin suedez Kristerson, Erdogan tha se vazhdimi i eksporteve të armëve në Turqi është një hap pozitiv.

Nga ana tjetër, ministri i Jashtëm turk Mevlut Cavusoglu tha sot se Suedia dhe Finlanda nuk i përmbushën detyrimet e tyre të vendosura nga Ankaraja si kusht për hyrjen e këtyre dy vendeve në NATO dhe shtoi se takimi i radhës për këto marrëveshje do të jetë i një rëndësie kyçe.

LEXONI GJITHASHTU:

• Stoltenberg: Është koha që Finlanda dhe Suedia të anëtarësohen në NATO
• Energjia ‘smart’ në Suedi, si po e përballon vendi nordik rritjen e çmimeve
• Anëtarësimi në NATO, Erdogan pranon të takojë kryeministrin e Suedisë