Lukashenko për qëndrimin në pushtet, presidenti bjellorus i vendosur në mbrojtjen e vendit

Lideri Bjellorus Aleksandër Lukashenko tha ditën e martë se ai nuk do të tërhiqej, pavarësisht valës së protestave kundër pushtetit të tij, por nuk i përjashtoi zgjedhjet e parakohshme presidenciale.

Presidenti Bjellorus tha se mbështetësit e tij do të sulmoheshin nëse ai do të largohej.

“Nëse ne ndryshojmë kushtetutën, ne duhet të përfshijmë edhe zgjedhjet presidenciale. Por me kushtetutën ekzistuese, të cilën unë jam i detyruar ta zbatoj, mund të organizojmë zgjedhje të parakohshme presidenciale. Unë kam treguar se fëmijët e mi janë këtu, vendi im është këtu, dhe unë do e mbroj këtë vend me çdo kusht”, ka thënë Lukashenko.

“Edhe pse u munduan të më ndalnin, duke më kapur nga krahët dhe këmbët, dhe zëdhënësja ime po rendte pas meje duke më penguar të dilja jashtë. Ajo me tha: ‘Po sikur të ketë një snajper?’ Ju përgjigja se unë duhet të dal jashtë sepse nëse tashmë protestuesit janë larguar, duhet të falënderoj policinë”, shtoi ai.

Lukashenko ka qeverisur Bjellorusinë që nga viti 1994 dhe ka shpallur fitoren në zgjedhjet presidenciale të shumë përfolura të 9 gushtit, të cilat kundërshtarët e tij i cilësuan si të manipuluara.

Lexoni gjithashtu:

“Nëse protestat në Bjellorusi janë të suksesshme, radhën do e ketë Rusia”, paralajmëron Lukashenko

Forcat e armatosura serbe dhe ruse stërvitje të përbashkët në Bjellorusi

Opozitarja Kolesnikova grisi pasaportën në kufi për të shmangur dëbimin me forcë në Ukrainë