Shikoni Live: Zjarr në portin e Bejrutit një muaj pas shpërthimit të madh

Një zjarr i madh ka rënë sërish në portin e Bejrutit, vetëm një muaj pas shpërthimit të madh që ku humbën jetën 190 persona.  

Videot e postuara në rrjetet sociale shfaqin një shtëllungë të madhe tymi mbi zonën e portit, i cili pësoi dëmtime të rënda nga shpërthimi i nitratit të amonit. 

حريق جديد في #مرفأ_بيروت pic.twitter.com/9AzEXinG7T

— Yara Khaweja (@KhawejaYara) September 10, 2020

Shpërthimi i datës 4 gusht, i shkaktuar kur 2,700 tonë nitrat amoni morën flakë, i mori jetën 190 personave dhe la mbi 6,500 të lënduar e qindra mijëra të pastrehë.

Mbetet e paqartë se çfarë e ka shkaktuar zjarrin. Ushtria libaneze njoftoi se një magazinë ku depozitoheshin naftë dhe goma mori flakë në një pjesë të portit.

Më tej, ata kanë konfirmuar se helikopterët kanë shkuar në vendngjarje për t’iu ardhur në ndihmë zjarrfikësve.

Guvernatori i Bejrutit, Marwan Abboud, i ka bërë thirrje qytetarëve që të qëndrojnë larg vendit të ngjarjes për të lehtësuar punën e shërbimeve të emergjencës.

Ky është zjarri i dytë në portin e Bejrutit vetëm për këtë javë, ngjarje e cila ka ngjallur kritika të shumta.  

Aya Majzoub, hulumtuese nga Libani për organizatën “Human Rights watch” shkroi në Twitter se “paaftësia e shtetit është tronditëse.”

“Thjesht nuk mund ta kuptoj sesi është e mundur që të bjerë një zjarr i këtyre përmasave në port. A nuk janë siguruar autoritetet që materialet janë të depozituara në mënyrë të sigurt pas neglizhencës që shkatërroi gjysmën e  qytetit”, shtoi ajo.

Lajmi në përditësim …