Izraeli zbulon se përdori dronë për sulme në Rripin e Gazës 

Izraeli zbuloi sot atë që ka qenë një sekret i hapur për dy dekada, se Tel Avivi ka përdorur dronë jo vetëm për vëzhgim, por edhe për sulme brenda vendit, kundër ekstremistëve palestinezë në Rripin e Gazës dhe objektivave të mundshëm në Iran dhe Sudan.

Komandanti i trupave të artilerisë izraelite, të cilët operuan dronët së bashku me forcat ajrore, gjeneral brigade Neri Horowitz, tha këtë në konferencën vjetore UVID mbi teknologjinë e dronëve në Tel Aviv, raportoi Reuters.

Horowitz deklaroi se dronët e armatosur jo vetëm që mundësonin sulme shtesë, por kishin për detyrë të zbulonin dhe sulmonin me shpejtësi objektivat siç janë ekuipazhet palestineze të ngarkuara me lëshimin e raketave në Gaza.

Në korrik, censuruesit izraelitë miratuan publikimin e informacionit për dronët e armatosur.

LEXONI GJITHASHTU:

• Benjamin Netanyahu pritet të jetë sërish kryeminstër i Izraelit
• Gjashtë palestinezë të vrarë në operacionet e ushtrisë izraelite