Kreu i EULEX: 7 vende të BE të gatshme t’i bashkohen patrullave në Veri

Aktualisht, shtatë shtete anëtare të Bashkimit Evropian janë të gatshme të kontribuojnë dhe t’i bashkohen patrullave të EULEX-it në veri të Republikës së Kosovës, tha kreu i EULEX-it, Lars Gunnar Wigemark.

“Të shtunën kemi pasur një takim me komandantin e KFOR-it, ministrin e punëve të brendshme të Kosovës Xhelal Sveçla dhe ushtruesin e detyrës së drejtorit të policisë”, ka thënë Vigemark për Kljan Kosova.

Ai po ashtu ka thënë se ka marrë një kërkesë me shkrim nga policia e Kosovës që të vazhdojë të jetë në terren dhe të monitorojë situatën, veçanërisht në veri.

LEXONI GJITHASHTU:

• EULEX-i vendos njësi policore rezervë në Kosovë
• EULEX-i sjell përforcime për sigurinë në Kosovë