Fillimi i vitit të ri shkollor, drejtoresha e shkollës ‘Dhora Leka’ : I kemi marrë parasysh të gjitha vështirësitë

Drejtoresha e shkollës 9-vjeçare “Dhora Leka”, Klodjana Koxha në një intervistë për Euronews Albania foli rreth vështirësive të këtij fillimviti shkollor, i cili është një vit i pazakontë për shkak të situatës së pandemisë COVID-19.

Znj. Koxha tha se bashkëpunimi mësues-prindër është shumë i rëndësishëm për mbarëvajtjen e procesit mësimor, teksa kërkoi nga këta të fundit që të tregojnë kujdes të shtuar duke i stërvitur fëmijët çdo ditë kur vjen puna te distancimi social.

Ajo tha se falë infrastrukturës shkolla do të bëjë të mundur realizimin e mësimit me dy turne dhe çdo klasë do të ketë numër të përgjysmuar të nxënësve. Përpos kësaj do të ketë dhe hapësira midis turneve për dezinfektimin e klasave.

“Kemi një mjeke stomatologe që e kemi të përditshme dhe kemi dhe një infermiere në shërbim tre ditor. Është caktuar dhe një mjek epidemiolog që me situatën e re që është krijuar do të jetë prezent në shkollë”, – përfundoi znj. Koxha.