Për herë të tretë president i Republikës Srpska, Dodik: Krenar!

Presidenti i Republikës Srpska, Milorad Dodik, tha se ndihet krenar që populli e zgjodhi për herë të tretë në këtë post.

“Jam krenar për të gjithë ata që ishin të gatshëm të votonin për politikën e vazhdimësisë që pasqyron luftën për stabilitet dhe paqe, e cila do të jetë politika kryesore e Srpska në të ardhmen,” shkroi Dodik në Twitter.

Ai u zgjodh për herë të parë si President i Republikës Srpska në vitin 2010 dhe në zgjedhjet e ardhshme në vitin 2014 ai e mbajti atë post. Në zgjedhjet e përgjithshme të vitit 2018 kandidoi për anëtar serb të Presidencës së BeH-së dhe këtë vit mori pjesë sërish në zgjedhjet për president të Republikës Srpska.

Dodik fitoi 48 për qind të votave nw zgjedhjet e fundit ndwrsa kandidatja tjetër, Jelena Triviç, nga opozita fitoi 43 për qind. Republika Sërpska është një prej tri entiteteve në Bosnjë e Hercegovinë.

LEXONI GJITHASHTU:

• Millorad Dodik konfirmohet president i Republikës Sërpska
• Protesta kundër Dodik në Bosnje, opozita e akuzon për manipulim të zgjedhjeve