Thirrja e Abazoviçit: Mali i Zi dhe Serbia të zgjidhin mosmarrëveshjet

“Ne duhet t’i zgjidhim një herë e përgjithmonë çështjet e vështira në marrëdhëniet mes Beogradit dhe Podgoricës dhe të ecim përpara.”

Kështu u shpreh kryeministri në detyrë i Malit të Zi, Dritan Abazoviç në një intervistë për Euronews Serbia.

Abazoviç u shpreh situata ku Mali i Zi dhe Serbia nuk kanë ambasadorë në vendet përkatëse, do të zgjasë edhe disa muaj, sepse Mali i Zi ndodhet në një krizë politike.

“Këtu në Mal të Zi, kjo çështje mund të zgjidhet vetëm në pranverë kur të kemi një president të ri. Vështirë se do ta zgjidhim tani, jo se qeveria nuk ka vullnet.

Qeveria ka vullnet, ka kandidat, megjithatë, ju e dini që jemi në proces të bashkëjetesës, se kryeministri vjen nga një grup politik, presidenti nga një tjetër, kjo është situata aktuale në Mal të Zi. Mendoj se do të duhen edhe disa muaj dhe më pas do të mund ta përfundojmë këtë detyrim tonën”, theksoi ai.

LEXONI GJITHASHTU

• Kurti: Jam optimist për çështjen e targave, por qasja e Beogradit është e dëmshme
• Lista Serbe kthehet në Kuvend, analistët e cilësojnë fitore të Albin Kurtit
• Dhunohet nga serbët operatori shqiptar në Mitrovicë, dërgohet në spital