Kurti: Jam optimist për çështjen e targave, por qasja e Beogradit është e dëmshme

Kryeministri i Kosovës, Albin Kurti është shprehur optimist në lidhje me gjetjen e një zgjidhjeje apo marrëveshjeje me Serbinë për targat e automjeteve.

Në një konferencë të përbashkët në Estoni me homologen estoneze, Kurti u shpreh se qasja e Beoagradit ndaj kësaj çështjeje ka qenë penguese dhe e dëmshme.

Kurti shtoi se është e nevojshme një marrëveshje përfundimtare me Serbinë.

“Jam optimist, por qasja e Beogradit ka qenë mjaft penguese dhe e dëmshme. Në ditët në vijim do të shohim se sa të suksesshëm do të jemi në negociatat më të reja. Na duhet marrëveshje me Serbinë, marrëveshje përfundimtare, ligjërisht e detyrueshme për normalizimin e plotë të marrëdhënieve me njohjen reciproke në qendër”, theksoi ai.

Sias kreut të qeverisë, në Kosovë janë 9000 vetura me targa ilegale serbe, çka përbën më pak se dhjetë për qind e veturave që kanë serbët.

Për Kurtin, Beogradi urdhëroi të gjithë serbët që janë në institucionet e Kosovës që t’i braktisin ato dhe të japin dorëheqje kolektive.

LEXONI GJITHASHTU

• Lista Serbe kthehet në Kuvend, analistët e cilësojnë fitore të Albin Kurtit
• Dhunohet nga serbët operatori shqiptar në Mitrovicë, dërgohet në spital
• Tensionet Veri, Kurti: Vuçiç po kamuflon refuzimin e planit franko-gjerman