Kontrabandë dhe tregti me barna, arrestohen 8 persona në Tiranë

Tetë persona janë vënë në pranga në kuadër të operacionit policor të koduar “Veterinary”, për kontrabandimin dhe tregtimin e barnave të ndryshme.

Lidhur me këtë operacion, janë proceduar penalisht dhjetë persona dhe është shpallur në kërkim një tjetër.

Si rezultat i këtij operacioni u arrestuan në flagrancë shtetasit:

– D. A., 53 vjeç, C. M., 60 vjeç, D. D., 60 vjeç, F. R., 63 vjeç dhe P. V., 60 vjeç;

– F. G., 55 vjeçe, G. Sh., 49 vjeçe dhe N. D., 34 vjeç, të tre punonjës të AKVMB (Autoriteti Kombëtar i Veterinarisë dhe Mbrojtjes së Bimëve).

Gjithashtu, u proceduan penalisht shtetasit A. M., 30 vjeç, D. Sh., 46 vjeç, K. C., 30 vjeç., A. T., 46 vjeç, B. Xh., 48 vjeç, V. P., 38 vjeç, V. Rr., 60 vjeç, V. K., 54 vjeç, V. B., 67 vjeç, E. Xh 56 vjeç, si dhe u shpall në kërkim shtetasi A. S., 49 vjeç.

Nga hetimet e kryera ka rezultuar se këta shtetas, në bashkëpunim me njëri-tjetrin, kanë kontrabanduar lloje të ndryshme barnash, me vlerë të konsiderueshme monetare, me qëllim tregtimin e tyre.

Në cilësinë e provës materiale u sekuestruan rreth 100 lloje të ndryshme barnash.

LEXONI GJITHASHTU

• Italia lëshon ​​18 urdhër-arreste, kontrabandë njerëzish midis Tunizisë dhe Italisë

• Dy të arrestuar për kontrabandë cigaresh në Tiranë

• Kontrabandonte naftë, arrestohet 54-vjeçari, hetohet e motra