Kontrabandonte naftë, arrestohet 54-vjeçari, hetohet e motra

Dhimitër Fundo është arrestuar nga policia me akuzën e kontrabandimit të naftës për ta shitur më pas.

54-vjeçari nga Korça po hetohet bashkë me të motrën pasi kjo e fundit mbante në banesë sasi të naftës së dyshuar të kontrabanduar dhe ushtronte aktivitetin e përpunimit të brumit, pa dokumentacion dhe pa licencën përkatëse.

300 litra naftë të gjetura në banesë u sekuestruan. Kontrabanda bëhej në sasi të konsiderueshme nga Maqedonia e Veriut nëpërmjet Pikës së Kalimit Kufitar Goricë, me një automjet tip “Benz”, të cilit i kishte modifikuar dhe zmadhuar serbatorin.

Materialet i kaluan Prokurorisë pranë Gjykatës së Rrethit Gjyqësor Korçë, për veprime të mëtejshme.

LEXONI GJITHASHTU:

• Tentoi të kontrabandonte medikamente, procedohet penalisht 57-vjeçari italian
• Greqia kërkon naftë në detin Jon, Meçollari: Është zonë e kontestuar
• Transporti publik kërkon ndihmë nga qeveria, emergjencë për naftën dhe pagat