‘Standard i dyfishtë’, kreu i FIFA-s u përgjigjet kritikëve evropianë për Katarin

Presidenti i FIFA-s, Gianni Infantino vuri në shënjestër kritikët evropianë ndaj Katarit, teksa deklaroi se po përdoret një standard i dyfishtë.

Infantino renditi problemet e Evropës në prag të fillimit të turneut të Kupës së Botës në Katarit, i cili prej vitesh është përballur me kritika për të drejtat e njeriut dhe trajtimin e punëtorëve migrantë që ndërtuan stadiumet, shkruan Euronews Serbia.

“Ajo që ne evropianët kemi bërë për 3000 vitet e fundit, duhet të kërkojmë falje për 3000 vitet e ardhshme përpara se të fillojmë t’u japim njerëzve mësime për moralin,” tha Infantino.

Ai tha se Katari dhe kryeqyteti Doha do të jenë gati për të pritur Botërorin, i cili pritet të jetë më i miri i zhvilluar ndonjëherë në histori.

“Sot ndihem nga Katari, ndihem arab, ndihem afrikan, sot ndihem homoseksual, sot ndihem i paaftë dhe punëtor emigrant. Ajo që po ndodh aktualisht është thellësisht e padrejtë”, theksoi kreu i FIFA-s.

LEXONI GJITHASHTU

• Kur do të tërhiqet nga futbolli? Flet Cristiano Ronaldo
• Alkooli nuk do të shitet në stadiume, FIFA merr vendimin dy ditë para Botërorit
• Përfundimisht Sadio Mane nuk do të luajë në Kupën e Botës në Katar