Stano: BE nuk heq dorë nga normalizimi i marrëdhënieve Prishtinë-Beograd 

Zëdhënësi i BE-së, Peter Stano, tha të hënën se Bashkimi Europian nuk ka hequr dorë nga propozimi fillestar për normalizimin e marrëdhënieve ndërmjet Beogradit dhe Prishtinës, i mbështetur nga Gjermania, Franca dhe SHBA-ja.

“Çdo pretendim se BE-ja po heq dorë nga propozimi i saj për normalizimin e marrëdhënieve ndërmjet Kosovës dhe Serbisë, i cili mbështetet nga Gjermania, Franca dhe SHBA-të, janë të pasakta. BE-ja vazhdon të mbështesë plotësisht këtë propozim dhe inkurajon palët të bien dakord dhe sapo të jenë gati t’i tregojnë komunitetit ndërkombëtar se janë në gjendje të sjellin zgjidhje evropiane,” u tha Stano gazetarëve.

Ai theksoi se tani është thelbësore që Beogradi dhe Prishtina të shmangin përshkallëzimin, i cili kërkon veprim të menjëhershëm nga të dyja palët.

LEXONI GJITHASHTU:

• Stano: Nuk ka propozime të reja për zgjidhjen e krizës në veri të Kosovës
• Stano: E ardhmja evropiane e Kosovës dhe Serbisë varet nga progresi në dialog