Shyti: Pritej largimi i Edoardo Rejas, trajneri të jetë 50-55 vjeç

Analisti sportiv, Artan Shyti thotë se ishte e pritshme largimi i Edoardo Rejas nga drejtimi i kombëtares shqiptare, pas përfundimit të kontratës.

Në një intervistë për Euronews Albania, Shyti u shpreh se mosha e një trajneri, duhet të jetë 50-55 vjeç.

“Për mua ishte e pritshme, shenjat e tregonin. Nuk mund të pretendosh për një 77-vjeçar që të vazhdojë një kontratë 4-vjeçare. Kam përshtypjen që kërkon më tepër energji, përkushtim, afërsi dhe mentaliteti me futbollistët e sotëm dhe një 77-vjeçar e ka më të vështirë të quhet trajner me këtë moshë.

Kam përshtypjen që në planin simbolik, mosha e trajnerit nuk duhet të kalojë dyfishin e moshës mesatare të sportistëve. Për mua, 50 ose 55-vjeçar do ishte moshta e një trajneri, kushdo qoftë ai”, theksoi ai.

Kombëtarja shqiptare është zyrtarisht pa trajner. Në muajin nëntor përfundonte zyrtarisht kontrata e trajnerit Edoardo Reja, teksa ende nuk dihet se kush do të vendoset në krye.

77-vjeçari sot ka ditën e fundit të punës në drejtimin e Shqipërisë, ndaj nga dita e nesërme do të duhet një tjetër trajner.

Burime nga FSHF pohojnë se trajneri i ri do të zgjidhet përgjatë muajit dhjetor.

LEXONI GJITHASHTU

• Australia mposht Danimarkën dhe kualifikohet, Franca humbet ndaj Tunizisë
• Kombëtarja shqiptare zyrtarisht pa trajner
• Altin Lala: Ronaldo dhe Neymar me komplekse, shembuj jo të mirë për moshat e reja