PS shtyn amnistinë fiskale, drafti shkon në Kuvend pas raportit vjetor të BE-së për Shqipërinë

Mazhoranca është tërhequr për herë të dytë nga amnistia fiskale. Projektligji i shumëdebatuar, i cili parashikonte kryesisht legalizimin e parave të emigrantëve shqiptarë apo pronave të deklaruara brenda vendit, është shtyrë nga shumica qeverisëse për të paktën edhe për tri javë të tjera.

Në kalendarin trejavor të punimeve të Kuvendit ishte parashikuar që në seancën plenare të datës 24 shtator, ligjvënësit duhet të vendosnin votën pro ose kundër kësaj nisme, por këtë të drejtë nuk do ta ushtrojnë këtë të enjte pasi është hequr nga rendi i ditës.

Kjo shtyrje e këtij ligji bëhet në një kohë kur institucionet financiare ndërkombëtare e kanë cilësuar nismën si rrezikshme për pastrimin e parave dhe vetë Brukseli ka dyshimet e veta për këtë projektligj.

Lexoni gjithashtu:

EKSKLUZIVE/ Euronews Albania sjell draftin përfundimtar për amnistinë fiskale, sa do të paguhet për të legalizuar paratë

Amnistia shkon në Parlament, do tatohen deri në 10% paratë që do të sillen nga jashtë vendit