Biden-Macron miq kundër Putin, ‘armiq’ për çështje të tjera

Me dallime të thella, por me rëndësi është që janë miq përballë Rusisë së Putin. Presidenti amerikan Joe Biden priti homologun francez Emmanuel Macron në Shtëpinë e Bardhë.

Biden e vuri theksin tek aleanca historike me Francën dhe nënvizoi vlerat demokratike dhe respektin për të drejtat e njeriut që bashkojnë dy vendet, në kontrast me agresionin rus në Ukrainë.

“Si aleatë në NATO, bashkë me Bashkimin Evropian dhe partnerët e grupimit G7, Franca dhe Shtetet e Bashkuara po i bëjnë ballë ambicieve pushtuese të Putin dhe luftës brutale të tij në Ukrainë, që ka thërrmuar paqen në kontinentin evropian”, tha Joe Biden, president i Shteteve të Bashkuara.

Por presidenti francez ripërsëriti synimet e tij. Tani, tha ai, duhet të jemi më shumë se miq.

“Ndërsa lufta në tokën evropiane është kthyer, me agresionin e Rusisë në Ukrainë dhe me krizat e shumta me të cilat përballen shoqëritë tona, duhet të bëhemi edhe njëherë vëllezër në armë”, u shpreh Emmanuel Macron, president i Francës.

Dy liderët po festojnë së bashku mbi 200 vjet miqësi mes Uashingtonit dhe Parisit. Megjithatë, mbrapa skenave, mes Shteteve të Bashkuara dhe Evropës është përplasja për subvencionet amerikane për energjinë e gjelbër që po përçan partneritetin.

LEXONI GJITHASHTU:

• Macron takon Biden: Aleanca franko-amerikane, më e fortë se çdo gjë
• SHBA ‘përkulet’ para Macron, për herë parë me Biden në Shtëpinë e Bardhë