Përzgjedhja e kandidatëve për deputetë, PD zbulon listën e Qarkut Kukës

Partia Demokratike do të nisë nesër me Qarkun e Kukësit votimin e kandidatëve për deputetë. Anëtarët e PD janë thirrur të votojnë në bllok për listën e kandidatëve ose të refuzojnë një prej tyre. Kjo do të jetë faza e dytë që kandidatët do të kalojnë pasi kanë marrë miratimin e Komisionit të Vlerësimit të Kandidatëve.

Pas përfundimit të procesit të konsultimit me anëtarësinë, kandidatët që konfirmohen nga anëtarësia, i nënshtrohen vlerësimit të Komisionit në fazën e tretë, ku secili anëtar voton bazuar kryesisht në vlerësimin e performancës politike të kandidatit dhe mundësinë e maksimalizimit të votës. Pas këtij vlerësimi, rreth 300 kandidatë që do të kalojnë edhe fazën e tretë, lista i dorëzohet për vendimmarrje finale Kryesisë së Partisë Demokratike.

Qarku i Kukësit është qarku me numrin më të vogël të mandateve pasi prodhon vetëm 3. Në zgjedhjet e fundit, këto mandate u ndanë dy për PD dhe një PS. Në listë nuk është emri i Flamur Nokës pasi është anëtar i kryesisë së PD ndërsa bie në sy prania e emrave si ish-kryebashkiku i Tropojës, Besnik Dushaj dhe Avenir Peka, ish-zv. ministër i Brendshëm.

Dega Kukës, Qarku Kukës:

1.            ADMIR SINAMATI

2.            ARBEN CEJKU

3.            BASHKIM SHEHU

4.            IBRAHIM BRUKA

5.            SAHIT PRIZRENI

6.            VJOLLCA VATA

Dega Tropojë, Qarku Kukës:

 1.           BESNIK DUSHAJ

2.            FERIDE RRAHMANI

3.            ISUF ÇELA

4.            LUSH SUSAJ

5.            MIMOZA HAJDARMATAJ

6.            XHEM NEZAJ

Dega Has, Qarku Kukës:

 1.           AVENIR PEKA

2.            DEMUSH KASTRATI

3.            ELEZ MACI

4.            ISMET JAKU

5.            ZENEL KASTRATI