Vrasja e grave, Hazizaj: Kosova një rast i veçantë, ka ende ndikimin e luftës

3 Dhjetor 2022 | 20:35

Aktivisti Altin Hazizaj e sheh Kosovën si një rast të veçantë, në lidhje me fenomenin e vrasjes së grave brenda familjes.

Në emisionin “Review” në Euronews Albania, Hazizaj u shpreh se Kosova ende ndikimin e luftës dhe shtoi se aty ka një luftë të kulturave dhe civilizimeve.

“Mendoj që këtu në fakt ka një ndërthurje, një luftë të kulturave dhe civilizimeve. Kosova është pak rast i veçantë, ata kanë ndikimin e luftës, që sigurisht një pjesë të shoqërisë aty i sjell probleme edhe sot e kësaj dite.

Ajo që unë shikoj në rastin e Kosovës, është që feja myslimane ka një ndikim të frikshëm, në bindjen time të papranueshëm dhe padiskutim negativ në mbajtjen e këtyre vlerave, që janë tradicionale, por që në fakt janë vlera që e shtypin familjen dhe e kthejnë gruan në pronë të bashkëshortit”, theksoi ai.

Policia e Kosovës ka dhënë detaje të reja rreth ngjarjes së rëndë në Kosovë, ku Hamide Magashi u vra me armë zjarri nga ish-bashkëshorti Sokol Halili më 30 nëntor.

Mësohet se autori Sokol Halili u arratis në Davidovc të Shtimes. Pas lokalizimit të tij, policia fillimisht largoi anëtarët e familjes nga shtëpia, ndërsa i dyshuari nuk pranoi negocimin me policinë dhe qëlloi veten me pistoletë. Ai humbi menjëherë jetën.

Policia ka informuar se në vendin e ngjarjes është gjetur dhe konfiskuar një pistoletë me një karikator pa fishekë dhe një predhë.

LEXONI GJITHASHTU

Home Kryefaqja
Shiko në: YouTube
Lajme të Sugjeruara

Dom Mark Pashkja: Njoh njerëz që kanë ndryshuar gjininë, kanë bërë operacione dhe janë penduar

Dom Mark Pashkja i ftuar në emisionin “Review” me Greta Topjana në Euronews Albania ka folur lidhur me terapinë hormonale për personat transgjinorë. Dom Pashkja ka...
21:48 | 31/05/2026

Pastori Pano: Terapia me hormone për transgjinorët po shkatërrojnë familjet!

Pastori Akil Pano i ftuar këtë të diele në emisionin “Review” me Greta Topjana në Euronews Albania ka folur lidhur me udhëëzimin nga Ministria e...
21:06 | 31/05/2026

“Po luajnë teatër për BE-në,” aktivisti: Terapia hormonale një tjetër shfaqje për t’i rënë në sy

Aktivisti, Gentian Serjani i ftuar këtë të diele në emisionin “Review” me Greta Topjana në Euronews Albania ka folur lidhur me udhëzimin nga Ministria e...
20:48 | 31/05/2026