Rusia shpërndan 125 mijë pasaporta për pro-rusët e Ukrainës

Ministri i Brendshëm i Rusisë ka konfirmuar se janë lëshuar 125 mijë pasaporta për rezidentët e pjesë lindore të Ukrainës, e cila ndodhen nën pushtetin e forcave rebele, ngjarje e cila pritet të thellojë më tej lidhjet e Moskës me rajonin separatist.

Në prill, Presidenti Vladimir Putin thjeshtoi procedurat për marrjen e pasaportave për qytetarët pro-rusë.

Kievi i është kundërpërgjigjur duke i bërë thirrje perëndimit që të vendosë sanksione të reja ndaj Moskës.

Më shumë se 160 mijë banorë nga zonat e kontrolluara nga rebelët kanë aplikuar për pasaportë, nga të cilët 125 mijë i kanë marrë, ka thënë Ministri i Brendshëm Vladimir Kolokoltsev.

Të hënën, Putin ka mbërritur në Paris për të folur mbi konfliktin në Ukrainën lindore më udhëheqës nga Ukraina, Gjermania dhe Franca.

Është hera parë pas tre viteve që liderët e këtyre vendeve takohen për një samit të tillë.

Ata pritet që të negociojnë për një armëpushim të konfliktit, i cili vazhdon prej dy vitesh dhe ka vrarë 13 mijë persona, megjithëse ekspertët shprehen të rezervuar se sa do ia arrijnë qëllimit.

Kievi e akuzon Moskën se po kryen një luftë të pashpallur në Ukrainën lindore, duke furnizuar rajonin e Donbasit me trupa të shumtë dhe artiljeri të rënda.

Rusia nuk i pranon akuzat dhe thotë se konflikti është një lufte civile.