“Metrofest 6” çelet me shfaqjen e teatrit lëvizës nga Rafael Hoxhaj

“Zhurma e kohës” është shfaqja që hap siparin e festivalit të veprës shqipe në Teatrin Metropol. Një shfaqje e teatrit lëvizës e krijuar dhe interpretuar nga aktori Rafael Hoxhaj.

Për artistin e ri, me një eksperiencë si në skenat e teatrit brenda dhe jashtë vendit, edhe në ‘skenën e rrugës’ të bërit art vjen natyrshëm.

“Fillimisht kjo vepër ka qenë në trurin tim pastaj në fletoret e mia, ka më shumë se 7-8 vite, jo si vepër konkretisht kjo që do të jepet, por si ide e një shfaqje monodramë, pa tekst, e bazuar vetëm te lëvizja, pastaj gradualisht ka filluar,” – u shpreh Hoxhaj.

“Zhurma e kohës” vjen si premierë në skenën “Shekspir” të Teatrit Metropol në datë 8 dhjetor, për t’u shfaqur përgjatë 7 netëve me radhë.