Producenti Valdet Salihu rrëfen: Si u sulmuam në veri të Kosovës

Producenti Valdet Salihu rrëfeu në një intervistë për Euronews Albania se si u sulmuan në veri të Kosovës.

Ai tha se në momentin që kishin shkuar të raportonin së bashku me një kolege kishin parë prezencë të shtuar të policisë së Kosovës.

“Po ashtu vazhduam me makinë sipër lagjes së boshnjakëve te udhëkryqi i shkollës teknike, ku aty hasëm dy grupe të maskuara komplet,” – u shpreh Salihu, i cili tha se pavarësisht se e ka vizituar shpesh veriun e Kosovës, ata njerëz me maska ishin pamje të pabesueshme.

Ai tha se personat e maskuar kishin vrapuar drejt atij dhe menjëherë e kishte kthyer makinën në drejtimin e kundërt, por i goditën makinën.

“Ne ishim në rregull, nuk kishim ndonjë lëndim trupor apo diçka, përveçse kishim një farë frike,” – shtoi Salihu.

Policia e Kosovës njoftoi se një pjesëtar i saj është lënduar lehtë gjatë një sulmi të armatosur në veriun e Kosovës.

Në një njoftim të policisë thuhet se sulmi ka ndodhur reth orës 23:00 në fshatin Serbovc të komunës së Zveçanit.

Sipas policisë, njësitë që ishin në detyrë “janë sulmuar nga persona të armatosur me armë të gjata, nga një automjet i tipit Audi, ngjyrë hiri, me targa KM. Si pasojë e incidentit, një pjesëtar i Policisë së Kosovës është lënduar lehtë dhe janë shkaktuar dëme të konsiderueshme materiale në veturën e policisë”.

LEXONI GJITHASHTU:

• “Me të tillë zyrtarë mbahet shteti”, Kurti viziton policin e plagosur në Veri