Fëmijët e luftës, nënat ukrainase sjellin në jetë fëmijët mes bombardimeve

Konflikti në Ukrainë vijon prej më shumë se 9 muajsh. Gratë që ishin shtatzëna pak përpara ose në fillim të luftës kanë sjellë tani në jetë “fëmijët e luftës”.

Sofia është vetëm njëjavëshe. Dy muaj nga nisja e luftës, e ëma zbuloi se ishte shtatzënë dhe u largua nga Odesa në qytetin më të sigurt të Lvivit, ku dhe e solli në jetë.

“I sugjerova që të shkonte jashtë, por ajo nuk donte. Më tha, ‘jo, ne do të të presim këtu’”, tregon Dmytro, babai i Sofias.

“Si mund ta lija pa e parë fëmijën e tij? Ndaj vendosëm të shkonim në Lviv, ku kishte më pak shanse për bombardime”, thotë Inna, nëna e Sofias.

Dmytro është një ushtar. Atij iu dha leje të ndiqte nga afër lindjen e fëmijës së tij, por javën e ardhshme i duhet të kthehet në front.

Bashkëshortja e tij, Inna, thotë se kjo e bën të qajë. ‘Kur ai është në front zgjohem çdo mëngjes duke pritur telefonatën e tij, që të më thotë se është mirë’, tregon ajo.

LEXONI GJITHASHTU:

• Opozitari rus dënohet me 8.4 vite burg, pasi kritikoi luftën e Kremlinit në Ukrainë
• Burg kundërshtarit të luftës, Rusia dënon me 8 vjet kritikun e konfliktit në Ukrainë