Festivali Evropian i Filmit, triumfon “Trekëndëshi i Trishtimit” i suedezit Ostlund

11 Dhjetor 2022 | 16:05

Festivali Evropian i Filmit u mbajt në Reikjavik, me vlerësimin e produkteve më të mira kinematografike evropiane.

Konkurrenca këtë vit ishte e ashpër, por një film spikati mes të tjerëve…

Filmi i regjisorit suedez Ruben Ostlund, që ka fituar Palmën e Artë në Kanë, fitoi gjithashtu çmimin për skenarin më të mirë, regjinë dhe aktorin më të mirë.

Filmi triumfues rrëfen historinë e një jahti luksoz që kthehet në një varkë të mbytur… Bëhet fjalë për një satirë mizore dhe në disa raste sadiste, që ka në fokus njerëzit e pasur, që herë janë trafikantë armësh dhe influencues përmes mediave sociale.

“Një nga mësuesit me të cilët kam punuar ishte dhe mentori im. Ai më mësoi zanatin në universitet. Njëherë dikush e pyeti: A mundet që kinemaja të ndryshojë botën? Ai tha: Po, por të gjithë filmat po e ndryshojnë botën. Ndaj është konkurrenca për të siguruar vëmendjen dhe ky vlerësim është një mënyrë për të tërhequr vëmendjen dhe për të rritur numrin e kinemave, duke bërë që sa më shumë njerëz të shohin filmin. Pra, nëse keni një mesazh të rëndësishëm, kjo është rruga e duhur për ta shprehur”, tha Ruben Ostlund, regjisor i “Trekëndëshi i Trishtimit”.

Islanda dhe Reikjaviku ofruan më të mirën për kinemanë evropiane, me një ceremoni madhështore që tregoi të gjithë pasurinë dhe deiversitetin e saj. Sidoqoftë, “Trekëndëshi i Trishtimit” ishte një film që fitoi thuajse gjithçka. Ai ishte një shembull i një produksioni kolektiv, që bëri bashkë Suedinë, Gjermaninë, Francën, Greqinë, Turqinë, Danimarkën dhe Britaninë.

 

LEXONI GJITHASHTU:

Home Kryefaqja
Shiko në: YouTube
Lajme të Sugjeruara

Nga Gjermania në Korçë, turistët mësojnë hapat e valleve shqiptare

Korça po kthehet gjithnjë e më shumë në një destinacionin ku turistët nuk njihen vetëm me historinë, muzeumet dhe kulinarinë, por edhe me traditat që...
10:12 | 02/06/2026

“Qiell i hapur, mendje të hapura, rikthehet DEA Open Air, 40 filma nga 25 vende në garë

Nën moton “Qiell i hapur, mendje të hapura” rikthehet në Tiranë edicioni I 13-të I Festivalit Ndërkombëtar të Filmit “Dea Open Air”. Pjesë e këtij...
17:52 | 01/06/2026

Komedia “Sonte do darkojmë në shtrat” ngjitet në skenën e teatrit në Gjirokastër

Premiera e komedisë “Sonte do darkojmë në shtrat” është shfaqur në teatrin e Gjirokastrës, duke tërhequr interesimin e publikut dhe artdashësve të qytetit. Vepra e...
20:22 | 31/05/2026