3 viktima nga përmbysja e varkës në Kanalin Anglez, mbyllet marina në Dover

Marina në Dover është mbyllur nga policia pas raportimeve se azilkërkuesit kanë vdekur në Kanalin Anglez.

Të paktën tre persona kanë humbur jetën, pasi një varkë me emigrantë u përmbys teksa ishte duke lundruar në Kanalin Anglez.

Ekipet e kërkim shpëtimit kanë njoftuar se trupat e pajetë janë duke u transportuar me helikopterë, ndërkohë që dyshohet se mund të ketë edhe viktima të tjera.

Sekretarja e Brendshme e Mbretërisë së Bashkuar Suella Braverman reagoi përmes një postimi në Twitter, duke sqaruar se është në dijeni për ngjarjen dhe në ndjekje të vazhdueshme.

Ajo tha se agjencitë janë duke përcaktuar faktet e plota mbi ngjarjen.

LEXONI GJITHASHTU: 

• Sekretarja britanike: Mendimet e mia janë me viktimat në Kanalin Anglez
• 3 viktima nga përmbysja e varkës me emigrantë në Kanalin Anglez