Zhulali: Korrupsion në BE ka pasur dhe më parë, por nuk tolerohet

Brukseli është ende duke e marrë veten pas lajmit të fundjavës se prokurorët belgë kanë akuzuar nënpresidenten e Parlamentit Evropian, Eva Kaili dhe tre persona tjerë, përfshirë ish-pjesëtarin italian të Parlamentit Evropian, për korrupsion, pastrim parash dhe pjesëmarrje në organizatë kriminale.

Ilda Zhulali, eksperte e çështjeve ndërkombëtare tha në një intervistë për Euronews Albania se, korrupsioni në institucionet evropiane nuk ndodh për herë të parë, po ky fenomen goditet dhe dënohet në nivelet më të lartë.

Sipas saj, rasti i zv.presidentes së PE e përfshirë në korrupsion, tregon se askush nuk është imun ndaj këtij fenomeni.

“Nuk është hera e parë që ka të tilla ngjarje në nivel evropian, ka ngjarje edhe më herët, por e rëndësishme është se ky fenomen goditet dhe dënohet në nivelet më të larta. Edhe rasti i zv.presidentes tregon se askush nuk është imun ndaj këtij fenomeni. Nga ana tjetër BE ka një prokuror të posaçëm në nivel evropian për të hetuar çdo rast të mundshëm korrupsionin, për të shpëtuar fytyrën e vet, por edhe institucioneve evropiane nga çdo lloj minimi që u bëhet atyre nga individë të tillë”, tha Zhulali.

LEXONI GJITHASHTU:

• Skandali ‘Qatargate’, karriera e Eva Kailit nga gazetare në politikane
• Pas Eva Kaili, edhe 4 euro-deputetë pezullohen nga postet