Maroku apelon në FIFA: Padrejtësi në gjykim në ndeshjen ndaj Francës

Edhe pse Maroku arriti në gjysmëfinale të Botërorit, Federata Marokene mendon se ekipi afrikan meritonte më shumë.

Megjithëse ndeshja ndaj Francës është mbyllur e arkivuar me humbjen 2-0, Federata ka apeluar në FIFA duke shprehur pakënaqësinë me drejtimin e kryesorit Sezar Ramos duke e klasfiikuar si “padrejtësi në gjykim”.

Në një notë zyrtare që është publikuar edhe në rrjetet sociale, ajo ka shprehur pakënaqësinë për mënyrën se si ai ka treguar episode të veçanta, duke shpjeguar se ka harruar të japë dy penallti në favor të Marokut.

E para i përket një kontakti mes Teo Hernandez dhe Sofian Bufal në zonë, teksa argumenton se është mbrojtësi francez ai që ndërhyn ndaj sulmuesit dhe jo e kundërta siç kishte interpretuar gjyqtari dhe VAR, duke e ndëshkuar lojtarin maroken me karton të verdhë.

Më pas, është edhe momenti ku Selim Amallah u mbaj në zonë gjatë një goditje këndi dhe në këtë rast duhej të kishte përsëri penallti.

🚨بلاغ الجامعة الملكية المغربية لكرة القدم pic.twitter.com/GvYKQFbpfr

— FRMF (@FRMFOFFICIEL) December 15, 2022

LEXONI GJITHASHTU

• Modriç fajëson arbitrin italian: Ndër më të këqijtë në qarkullim
• UEFA fiton gjyqin kundër klubeve që kërkojnë të nisin Superligën
• Artan Hoxha sulmon futbollin: FSHF, FIFA dhe UEFA të korruptuar