U qëllua me armë zjarri brenda një lokali në Tiranë, ndërron jetë 49-vjeçari

Edmond Papa nga Saranda, i cili u qëllua me armë zjarri brenda një lokali në Tiranë ka ndërruar jetë.

Policia bën me dije se 49-vjeçari ka humbur jetën në spital pasi nuk u ka mbijetuar dot plagëve të marra.

“Rreth orës 16.30, në rrugën “Fadil Bodinaku”, në lokalin në pronësi të shtetasit V. Sh., një person ende i pa identifikuar ka qëlluar me armë zjarri pistoletë Edmond Papaj, 49 vjeç, i cili si pasojë e plagëve të marra ka ndërruar jetë në spital”-njofton policia.

Në vendin e ngjarjes ndodhet grupi hetimor dhe po punon për sqarimin e rrethanave të ngjarjes dhe identifikimin e autorëve.

Edmond Pjetri shef i komisariatit nr.2 në një deklaratë për mediat tha se policia është duke hetuar ngjarjen ndërsa priten informacione të reja në radhët në vijim.

“Ngjarja ka ndodhur në një biznes provat.  Është qëlluar drejt Edmond Papës që është banor bë Tiranë. Ai ka ndërruar jetë në spitalin e Traumës në Tiranë. Policia ka marrë të gjitha masat për hetimin e kësaj ngjarje. Policia është duke hetuar, për çdo informacion do ju informojmë në vazhdim”- tha ai.

Shërbimet e Policisë po vijojnë kontrollin e zonës për të bërë të mundur kapjen e autorit.

LEXONI GJITHASHTU: 

• Të shëna me armë zjarri në zonën e Selitës, dyshohet për një të plagosur
• SPAK tjetër operacion për ‘call center’, mashtronin spanjollët dhe gjermanët