SPAK tjetër operacion për ‘call center’, sekuestrohen 11 pasuri të paluajtshme

SPAK në bashkëpunim me partnerët ndërkombëtarë ka zhvilluar një tjetër operacion kundër mashtrimit përmes ‘Call Center-a’.

Sipas njoftimit janë kontrolluar 13 ambiente, qendra thirrjesh dhe banesa, ku gjatë kontrolleve u gjetën dhe u sekuestruan, 162 pajisje kompjuterike (njësi kompjuterike, servera,DVR, etj), aparate celulare, si dhe 11 pasuri të paluajtshme në pronësi të shtetasve J.M dhe M.D.

“Hetimet nxorrën në dritë ekzistencën e një grupi kriminal që synonte kryerjen e mashtrimeve ndaj individëve të cilët mashtronin qytetarë të shumtë që banonin në Itali dhe në vende të tjera evropiane (Spanjë dhe Gjermani), të kontaktuar kryesisht përmes telefonit, i bindnin viktimat e tyre të investonin në instrumente financiare realisht inekzistente, me premtimin e normave të larta tëkthimit.

Në periudhën nga muajt e parë të vitit 2019 deri në verën e vitit 2020, është verifikuar që këto investime pilotoheshin në platformën e tregtimit financiar online “CAPITAL COIN EXCHANGE” e menaxhuar nga kompania “DIRECT COIN LIMITED” në Londër, e cila premtonte rendimente shumë të larta ekonomike.”-njofton SPAK.

Sakaq Gjykata e Posaçme Kundër Korrupsionit dhe Krimit të Organizuar janë caktuar masat e sigurisë  “Arrest në burg” për shtetasit: J.M dhe M.D., të dyshuar për kryerjen e veprave penale “Mashtrim kompjuterik” në formën e grupit të strukturuar kriminal.

LEXONI GJITHASHTU: 

• U qëllua me armë zjarri brenda një lokali në Tiranë, ndërron jetë 49-vjeçari
• ‘Ka pasur dy palë’, Shabani: Konflikt real Rama-Kim për kreun e SPAK-ut
• Altin Dumani zgjidhet kreu i ri i SPAK, reagon Rama