Qyteti i dytë më i madh i Ukrainës pa energji pas bombardimeve ruse

Qyteti i dytë i Ukrainës, Kharkiv, mbeti për orë të tëra pa energji pasi vala e fundit e sulmeve ruse synoi stacionet e energjisë në të gjithë vendin.

Zyrtarët lokalë thanë se deri në nëntë objekte energjetike u goditën pasi forcat ruse hodhën 76 raketa dhe kryen sulme me dronë të premten.

Kryetari i bashkisë së Kharkiv tha se qyteti pësoi dëme “kolosale”.  Një banore, Anastaisa, i tha BBC-së se bombardimet filluan të premten në mëngjes.

“Për momentin nuk ka as ujë sepse stacionet e pompimit nuk mund të funksionojnë kur nuk ka energji në qytet, kështu që teknikisht ajo që kemi tani është një qytet pa energji dhe ujë”, tha ajo.

Në mbrëmje, Oleg Synegubov, kreu i administratës rajonale të Kharkiv, tha se furnizimet me energji elektrike ishin rikthyer për 55% të banorëve të qytetit dhe 85% të atyre që jetojnë në rajonin veri-lindor. Ai shtoi se punonjësit e sektorit të energjisë po punonin për të rivendosur energjinë e plotë deri në mesnatë.

Megjithatë, operatori i rrjetit energjetik të Ukrainës, Ukrenergo, paralajmëroi se shkalla e dëmit mund të nënkuptojë se do të duhet më shumë kohë për të rivendosur furnizimet.

LEXONI GJITHASHTU:

• OKB: 441 ukrainas janë vrarë në 41 ditët e para të luftës
• 64 ukrainas dhe një amerikan lirohen pas shkëmbimit me të burgosur rusë