Atalanta “makinë” golash, Gjimshiti fiton derbin me Strakoshën, fitore minimale për Real Madrid

Atalanta edhe këtë sezon po sinjalizon se do të jetë një prej ekipeve pretendente për zonën Champions.

Skuadra nga Bergamo mundi Lacion në javën e dytë të kampionatit me rezultatin 4-1.

Ekipi i Berat Gjimshitit nuk e dyshoi në asnjë moment suksesin në këtë përballje, duke shënuar tre herë që në pjesën e parë, ndërsa në anën tjetër Tomas Strakosha e pati të pamundur që të ndryshonte diçka në këtë takim.

Ekipi i Gasperinit arriti suksesin e dytë në po kaq ndeshje dhe në këto 180 minuta ka arritur të shënojë 8 gola, po aq sa dhe Napoli.

Ndërkohë sukses arriti dhe Inter, që në përballjen me Beneventon shënoi 5 gola. Ekipi i Antoni Kontes ishe dominuese, duke bërë detyrën, por ajo që shqetëson është mbrojtja, pasi zikaltrit kanë pësuar 5 gola në vetëm 2 javë.

Në kampionatin spanjoll Real Madrid ka bërë detyrën ndaj Real Valladolid. Të besuarit e Zinedin Zidane iu fal Vinicius Junior, i cili shënoi në pjesën e dytë golin që kishte vlerën e tre pikëve. Pas këtij suksesi kampionët shkojnë në kuotën e 7 pikëve.