Holanda kërkon falje për epokën e skllavërisë, Rutte: Ndjesë për çfarë kemi bërë

Holanda ka kërkuar falje për rolin e saj historik gjatë epokës së skllavërisë. Ka qenë vetë kryeministri Mark Rutte që ka zyrtarizuar faljen në emër të qeverisë holandeze, për veprimet e kryera në të kaluarën nga vendi i tij.

“U kërkojmë falje të gjithë popujve të kthyer në skllevër, të cilët kanë vuajtur si pasojë e veprimeve tona. U drejtohemi fëmijëve të tyre dhe pasardhësve deri në ditët e sotme”, ka thënë Rutte.

Kreu i qeverisë holandeze, i cili ka bërë thirrje që skllavërimi të kthehet në krim kundër njerëzimit, la të kuptohet se do të mbajë një fjalim mbi këtë çështje gjatë vizitës së tij në Suriname.

Rreth 200 mijë afrikanë u shfrytëzuan si skllevër në këtë territor të Amerikës së Jugut, duke punuar nëpër plantacione.

Sikurse shumë vende të tjera evropiane, për 250 vjet Holanda ka luajtur një rol kyç në kapjen, transferimin dhe shitjen e skllevërve afrikanë në Amerikë, por edhe në Afrikën e Jugut e Azi, ku vepronte Kompania holandeze e Indisë lindore.

LEXONI GJITHASHTU:

• Rutte për Euronews Albania: Nismat si Ballkani i Hapur përshpejtojnë integrimin
• Betohet qeveria holandeze, Rutte nis mandatin e katërt