‘S’kemi energji’ | Banorët e Derviçanit presin Mitsotakis, tregojnë problemet e tyre

Banorët e Derviçanit dolën për të pritur kryeministrin grek, Kyriakos Mitsotakis, i cili po zhvillon një vizitë në këtë zonë.

Një prej tyre, tha për Euronews Albania se vizita e Mitsotakis është e rëndësishme, teksa tregoi edhe disa nga problemet që hasen atje.

Ai u shpreh se ka ndërprerje të energjisë elektrike dhe probleme me ujin e pijshëm.

“Ka rëndësi se është personalitet, një kryeministër që ka ardhur pas shumë vitesh, pas të atit të tij këtu. Kush ka diçka për ta thënë, unë për momentin nuk jam menduar të them diçka. Shtëpi pa halle nuk ka. Njëlloj. Kemi problem energjinë elektrike se e presin shpesh. Ku është qëllimi nuk e di, mbase duhet investuar në këtë fushë. Kishim ndërprerje të shpeshta, nuk e di ku vjen kjo, por ndërpritej.

Disa janë të punësuar jashtë, ata që janë këtu, janë këtu. Ata që janënë emigracion që punojnë, shkojnë edhe vijnë. Për momentin, këta që janë këtu, janë më pak se është edhe stinë dimri tani, afrohen festat, në bazë preferencash, disa duan ta kalojnë këtu, disa andej. Uji ka qenë problem, por tani ka filluar të stabilizohet me ujësjellësin e ri. Akoma nuk ka hyrë në funksion, por hapi i parë është bërë, hapi i madh që u bë investimi, ky është. Ka patjetër probleme “, theksoi ai.

LEXONI GJITHASHTU

• Banori në Derviçan: E vlerësojmë vizitën e Mitsotakis, jemi minoritet grek
• Mitsotakis në Derviçan, Rama-banorëve: Ju thashë që do t’ua sjell
• Mitsotakis mbërrin me helikopter në Derviçan, pritet nga Rama