“Enveristë”, Uran Butka: Dhunimi i bustit të Mit’hat Frashërit” vepër anti-shqiptare

“Është një vandalizëm, një vepër e shëmtuar e forcave të errëta enveriste, e realizuar në mesnatë me qëllime të mbrapshta me heqje kafke si në mesjetë. Frashëri ishte i përkushtuar në liri, ai ka qenë shërbëtor i Shqipërisë.”

Kështu u shpreh në një intervistë për Euronews Albania shkrimtari Uran Butka teksa komentoi dhunimin e bustit të Mit’hat Frashërit.

Ai tha se këto veprime janë anti-shqiptare dhe se askush nuk mund të ulë dot figurën e Frashërit.

“Dihet që këto forca vijnë nga e shkuara dhe vazhdojnë veprimet e tyre edhe në ditët e sotme. Është një reagim regrevis kundër ndaj zhvillimeve në Shqipëri. Ata që dhunuan varrin e tij nuk mund të ulin dot figurën e tij. Të trazosh eshtrat është një veprim anti-shqiptar”, tha ai.

Mit’hat Frashëri publicist, shkrimtar, përkthyes, albanolog, diplomat, veprimtar i çështjes kombëtare, politikan, nënshkrues i Deklaratës së Pavarësisë së Shqipërisë, po prehet në Atdhe pranë Vëllezërve Frashëri në Parkun e Madh.

LEXONI GJITHASHTU:

• Dhunohet busti i Mit’hat Frashërit, Rada: Akt vandal, i vështirë restaurimi i tij
• Shkatërrohet memoriali i Mit’hat Frashërit në Tiranë
• Gjendet një person i pajetë në Vlorë