Dhunohet busti i Mit’hat Frashërit, Rada: Akt vandal, i vështirë restaurimi i tij

Memoriali i Mit’hat Frashërit, një prej intelektualëve të mëdhenj të historisë së Shqipërisë, është shkatërruar, i vendosur pranë Liqenit Artificial në Tiranë.

Pamjet janë të trishta, ndërkohë që shikohet se busti është thyer e rënë në tokë, ndërsa është shkatërruar edhe pllaka e mermerit.

Memoriali i Mithat Frashërit u vendos krah vëllezërve Frashëri tek Kodrat e Liqenit, në një ceremoni të veçantë më 12 tetor të vitit 2008. Ndërkohë që busti i Mit’hat Frashërit është vepër e skulptorit Agim Rada.

“Krijimet tona janë fëmijët tanë dhe mendohet se çfarë tragjedia e tmerrshme ndodh kur ty ta përdhosin krijesën tende”, u shpreh Agim Rada.

Mit’hat Frashëri publicist, shkrimtar, përkthyes, albanolog, diplomat, veprimtar i çështjes kombëtare, politikan, nënshkrues i Deklaratës së Pavarësisë së Shqipërisë, do të prehet në Atdhe pranë Vëllezërve Frashëri në Parkun e Madh.

LEXONI GJITHASHTU:

• Shkatërrohet memoriali i Mit’hat Frashërit në Tiranë
• Pendarovski: KFOR-i ka kapacitet të përballet me situatën në veri të Kosovës
• Gjendet një person i pajetë në Vlorë