Cristiano Ronaldo do transferohet në Arabinë Saudite? Flet presidenti i Al Nassr

Kalimi i Cristiano Ronaldos drejt Arabisë Saudite u bë një fakt i kryer me portugezin që do të përfitonte shifra marramendëse.

Mediat e ndryshme ndërkombëtare guxuan madje të konfirmojnë dhe vlerën që 37-vjeçari do të përfitonte. Sipas Marca-s, Ronaldo do të nënshkruajë për 2 vite e gjysmë me një pagë prej 200 milionë euro në sezon.

Ndër të tjera, u pohua se skuadra e Al Nassr ka rezervuar dhe datën se kur portugezi do të kryejë vizitat mjekësore. Numri 1 i kësaj skuadre, presidenti Al Muamar pohoi se gjithçka qarkullon në media është një gënjeshtër. Ndër të tjera, ai pohon se nuk ka asnjë marrëveshje mes palëve.

“Lajmet që dalin nuk janë të sakta, shumica e asaj që është shkruar ose është thënë në media janë gënjeshtra”.

Cristiano Ronaldo doli si lojtar i lirë pas situatës së shkaktuar tek Manchester United dhe intervistës së tij të dhënë për gazetarin Piers Morgan, aty ku ylli portugez shpërtheu me një sërë kritikash ndaj djajve të kuq.

Në media qarkulloi dhe lajmi se Ronaldo do të kthehej në Portugali tek Sporting Lisbon, por klubi nuk e konfirmoi këtë fakt.

LEXONI GJITHASHTU

• UEFA publikon renditjen për klubet evropiane, kryeson Manchester City
• Cristiano Ronaldo afër transferimit të bujshëm, gati testet mjekësore
• “Iu vendos ndalim politik”- Erdogan flet për dështimin e Ronaldos në botëror