U mblodhën kartat e identitetit personelit, PD paralajmërojnë kallëzim penal për drejtuesit e spitalit të Peshkopisë

Partia Demokratike denoncoi si “përpjekje për të manipuluar zgjedhjet e 25 prillit” grumbullimin e kartave të identitetit në spitalin rajonal të Peshkopisë.

Në një deklaratë për shtyp të ish-deputetit, Enkeled Alibeaj, demokratët morën shkas nga një videoregjistrim i nxjerrë në media ku shihej teksa në spital, personelit, i grumbulloheshin kartat e identitetit.

“Me urdhër të drejtorit Artan Bitri, stafit spitalor i janë mbledhur kartat e identitetit. Arsyen tani e ka marrë vesh i madh dhe i vogël: duan të pengojnë njerëzit të votojnë në zgjedhje ose të devijojnë votën e tyre,” – u shpreh Alibeaj teksa më tej akuzoi vëllain e deputetit socialist Ulsi Manja, Hasan Manjen, se ka shpërndarë në qendrat spitalore formularë të PS-së.

Demokratët u shprehën se do të kallëzojnë në prokurori për këto veprime të gjithë përgjegjësit, njësoj siç bënë në rastin me kaosin e adresave për të cilin ata pretenduan se “po bëhej qëllimisht për të penguar qytetarët të votojnë”.

Lexoni gjithashtu:

Kaosi me adresat, PD padit në SPAK ministrin Lleshaj: Qeveria synoi manipulimin e listave të votuesve

Ambasadorja Kim kërkon nga ministri Lleshaj të qartësojë çështjen e regjistrimit të votuesve

PD cilëson ”operacion manipulimi zgjedhor” ngatërrimet e adresave

Gabimi me adresat, Doracaj: S’ka ndryshim vendbanimesh, s’do ketë probleme për zgjedhjet

Kaosi me adresat, qytetarët ankohen se janë çregjistruar pa dijeninë e tyre