“Qatargate”, PE nis procedurat për heqjen e imunitetit të 2 deputetëve

Parlamenti Evropian ka njoftuar se ka nisur procedurën për heqjen e imunitetit të dy deputetëve, me kërkesë të drejtësisë belge, e cila po heton skandalin korruptiv të Bashkimit Evropian dhe Katarit.

Dy burime pranë hetimit thanë se ata janë deputeti belg Marc Tarabella dhe deputeti italian Andrea Coccolino, anëtarë të grupit Aleanca Progresive e Socialistëve dhe Demokratëve.

“Me kërkesë të autoriteteve gjyqësore belge, kam iniciuar një procedurë urgjente për heqjen e imunitetit të dy deputetëve. Nuk do të ketë pandëshkueshmëri”, ka njoftuar në Twitter kryetarja e Parlamentit Evropian, Roberta Metzola.

Avokati i Tabarella, Maxim Toler, tha se klienti i tij është dakord me heqjen e imunitetit. Ligjvënësi belg mohoi akuzat, duke thënë se nuk kishte absolutisht asgjë për të fshehur dhe do t’u përgjigjej të gjitha pyetjeve të hetuesve.

Coccolino u tha agjencive italiane të lajmeve në dhjetor se ai nuk ishte nën hetim, se nuk ishte marrë në pyetje dhe se as shtëpia dhe as zyra e tij nuk u kontrolluan.

Në dhjetor, dy burime thanë se Francesco Giorgi, një nga të dyshuarit kryesorë në hetim, së bashku me partneren e tij, zëvendëspresidenten e Parlamentit Evropian Eva Kaili, pranuan se kishin marrë ryshfet nga Katari për të ndikuar në vendimet që lidhen me vendin e Lindjes së Mesme.

LEXONI GJITHASHTU:

• “Qarargate”, 1 muaj paraburgim për eurodeputeten greke Eva Kaili 
• Skandali i korrupsionit në PE, Eva Kaili kërkon lirinë